अर्को जुनीको विवाह

विवाह गर्न कुमार हुनुपर्छ
त्यसैले म कुमार भएर बस्छु
किनकी
आफ्नो हुन नसकेकी निष्ठुरीले
अर्को जुनी तिम्रै हुन्छु भनेकी छे ।

यो जुनीभर बिहे गर्दिन बुबा
आमाले नी आजै सुने हुन्छ
दाजुले नी किन ?
भनेर नसोध्नुहोला
दिदीले गुनासो नगरेनी हुन्छ
सानी बहिनी दाजुको रत्यौलीमा
कम्मर मर्काउला, दोहोरी फर्काउला भन्ने नसोचेनी हुन्छ ।


आमा ! नाति खेलाउने रहर नगर्नुहोस्
म एक्लै जीवन विताउनेछु
किनकी,
आफ्नो हुन नसकेकी निष्ठुरीले
अर्को जुनी तिम्रै हुन्छु भनेकी छे ।

साच्चै हो आमा,
नातिले पानी सारिदेला भन्ने
अलिकति पनि नसोच्नुहोला
अनि,
लठ्ठी लुकाएर हैरान पार्ला भन्ने सोच्दै नसोचे हुन्छ
अनि,
मलाई डाक्टर बनाउन नसकेनी
नातिलाई बनाईदिउला भन्ने
बुबाले विचार नगरे पनि हुन्छ
म एक्लै जीवन बिताउनेछु
किनकी,
आफ्नो हुन नसकेकी निष्ठुरीले
अर्को जुनी तिम्रै हुन्छु भनेकी छे ।


लमी ज्यूले कतै कुरा नचलाए पनि हुन्छ
फलानाको छोरा कुमारै छ
भनि कसैलाई नभन्नुहोला
अल्लारे ठिटो बहुलायो
भन्ने कुरा नसोचे पनि हुन्छ
मान्छे बहुलाएर नै विहे गर्छ
तर,
कुमार भएर बहुलाउदैन ।
नामर्द भन्छौ भने,
मेरो के लाग्छ र !
निष्ठुरीले पनि
नामर्द भनेर गई
तर,
नामर्द त समाजले
बनाउदो रहेछ ,
त्यसैले
पलपल मरेर एकपल जिउनेछु
किनकी,
आफ्नो हुन नसकेकी निष्ठुरीले
अर्को जुनी तिम्रै हुन्छु भनेकी छे ।

जोरीपारीले त तिघ्रै ठट्याएनी
रिसाउनेवाला छैन,
मादल ठोके ठोकुन् ,
अझ कटुवाल नै लाए त
झन् काइदा

एक्लै आँए एक्लै जान्छु
बीचमा को सहयात्री चाहिन्छ र ?
त्यसैले
एक्लो जीवन नै बिताउनेछु
किनकी,
आफ्नो हुन नसकेकी निष्ठुरीले
अर्को जुनी तिम्रै हुन्छु भनेकी छे ।।।




अर्को जुनी तिम्रै हुन्छु भनेकी छे ।। 

त्यसैले,
विवाह गर्न कुमार हुनुपर्छ
त्यसैले म कुमार भएर बस्छु
किनकी
आफ्नो हुन नसकेकी निष्ठुरीले
अर्को जुनी तिम्रै हुन्छु भनेकी छे ।।।




➽   By -  Ramesh Shrestha
➽   ramesh335@daum.net
➽   abit335@gmail.com