म्वाइँ

एउटा प्रश्न सोधुँ भन्न सक्नुहुन्छ ?
अहँ सक्नुहुन्न पक्कै ढाट्नुहुन्छ
छ कोही साहसी भने कि आट्नुहुन्छ ,
प्रश्न यस्तो छ -
तपाइले चाँहि बताउनुहोला जस्तो छ ।
"कोही हुनुहुन्छ, जीन्दगीमा
कहिल्यै म्वाइँ नखाएको ?"
अहँ , कोही छैन म्वाइँ
नखाइकन आएको



चुरोट नखाएका होलान् पत्याउँछु
जाँड नखाएका होलान्
पत्याउँछु पान,सुपारी,खैनी,
तमाखु,प्याज,गोलभेंडा या

माछामासु खा'छैन भन्दा

पनि पत्याउछु तर.....त.....र

भन्नै पर्छ र ?

म्वाइँ खा'छैन या म्वाइँ ख्वा

छैन भन्छ भने कसैले म

कहाँ पत्याउँछु ।

यो त हुदै हुदैन
सम्भव छदै छैन
म्वाइँ नखाएका त मान्छे नै हुदैन ।
रङ्ग छैन,गन्ध छैन,
स्वाद छैन
खै कति खाइयो त्यो पनि याद छैन
न निलिन्छ,न चपाइन्छ
भन्नोस् -तपाई नै म्वाइँ
कसरी खाइन्छ ?
न खान नपाउँदैमा मरिन्छ
न त खादैमा पेट टम्मै भरिन्छ
जति खाए पनि न अघाइन्छ
धेरै खाएर न मोटाइन्छ
खानै नपाउदा न दुब्लाइन्छ।


म्वाइँ खानलाई न दाँत नै
चाहिन्छ
बालबृद्ध सबैको लागि
उपलब्ध छ म्वाइँ
हरेक ठाँउ अनि हर
मौसममा पाइन्छ
पकाउने,उसिन्ने,तार्ने,पोल्ने
कुनै झञ्झट गर्नै पर्दैन
फास्टफुडको बाउ छ यो
आँखा झिमिक्क नपार्दै भ्याइन्छ
बत्ति नै नभए पनि भेट्टाइन्छ।

अब अर्को प्रश्न छ,सुन्नुहोस्
पहिला अब तपाई नै भन्नुहोस्
सबैले खाएको र सबैले
खुवाएको म्वाइँ 'शाकाहारी'
भोजन हो कि 'मांसाहारी'
हो त ?
ठ्याक्कै उत्तर मिलाउन सक्ने को छ ?




सोझै मासुसित सम्बन्धित छ
तर यो 'मांसाहार' त होइन
सोझै मासु त खाइदैन
तैपनि 'शाकाहार' त होइन
पहिलै यै जुठो हुन्थ्यो
अहिले रै मीठो भा'छ
टि.भी. हेर्नोस् कि सिनेमा
थुतुनो जुधा'छ जुधा'छ ।


च्यापै समातेर खैरैले
क्वाप्पै म्वाइँ खान्छन् ।
रिसाउनु त परै जावस्
"थ्याङ्क यु थ्याङ्क यु"
पो भन्छन् ।
अलि बेग्लै छ हाम्रो
यताको चलन त
म्वाइँ पनि फुकुवा र
लुकुवा पो छन् त
सानी नानीको म्वाइँ
जसले,जहाँ,जतिखेर
खाए पनि हुन्छ
ठूली नानीको म्वाइँलाई
भने लगन चाहिन्छ ।


सम्धी,सम्धिनी,सासू र
बुहारीको म्वाइँ
जेठि सासू,जेठाजू र
आमाजूको म्वाइँ जति राम्रो
भएपनि खान नहुने
ज्वाइँको पनि म्वाइँ
यी बाहेक अरु सबै म्वाइँ
भाग्यमा भए खाए हुन्छ ,
सबले रमाई रमाई ।