नेपाल आइडल जजलार्इ सुझावः तिमी नभन्नू, तुलना नगर्नू, निष्पक्ष प्रतिक्रिया दिनू

काठमाडौं, १४ भदौ ।
गायक रामकृष्ण ढकालले नेपाल आइडलमा गेष्ट जजको रुपमा गएर बोल्दा बिगारेपछि क्याप्टेन विजय लामाले नेपाल आइडल होस वा अन्य कार्यक्रममा बोल्दा जजले ध्यान दिनुपर्ने टिप्स दिएका छन् ।
कलाकार तथा टेलिभिजन कार्यक्रम सञ्चालक समेत रहेका पाइलट लामाले जजले प्रतियोगीहरुलाई तिमी भन्न नहुने, निष्पक्ष भएर प्रतिक्रिया दिनुपर्ने, एक अर्काबीच तुलना गर्न नहुने लगायतका टिप्स दिएका छन् ।

यस्ता छन् लामाका टिप्सः

१. प्रतिस्पर्धीहरुलाई तिमी भन्नु राम्रो होइन ।
२. जज गर्दा होस् या प्रतिक्रिया दिँदा निष्पक्ष हुन जरुरी हुन्छ ।
३. कुनैलाई मात्र राम्रो भनेर अरुलाई चाहिँ नकार्न मिल्दैन ।
४. सबैलाई हौसला दिनुपर्छ नकि आफ्नो प्यारोलाई मात्र ।
५. सल्लाह सुझावलाई दिँदा सकारात्मक ढंगले पस्तुत गर्नुपर्छ । ताकी प्रतिस्पर्धीरु उठ्न सकुन र राम्रो प्रस्तुति दिन सकुन् ।
७. पब्लिक मिडियामा वाक स्वतन्त्रता छ भन्दै जे पनि बोल्न मिल्दैन ।

ढकालले यी कुरामा ध्यान दिएको भए विवाद नपर्ने बताएका छन् । ‘यी सबै कुरामा ध्यान दिने हो या दिएको भए यत्रो विवादमा पदैन थियो होला राम भाई’ उनले भनेका छन्, ‘हाम्रो भन्दा राम्रोले जित्नुपर्छ । कुनै जात या ठाँउको आधारमा होइन । सहि व्यक्तिले  जित्नुपर्छ ।

जय चन्द्र सुर्य